منتديات كيمو

اضغط على الرابط التالى للتسجيل
منتديات كيمو

منورينى يا أحلى اعضاء والله وكل عام وانتم دائما بخير

ملحوظة هامه :بعد تسجيلك فى منتدى (kemo0o0o0o) ولم تفعل اشتراكك عن طريق ايميلك الذى سجلت به .. فسوف نفعل اشتراكك تلقائياً فى خلال 24 ساعه من تسجيلك


    كل مرة هنختار عضو وهنسئله اسئله

    شاطر
    avatar
    miii_do_kemo
    Admin

    الجنس : ذكر عدد المساهمات : 1227
    تاريخ التسجيل : 21/02/2010
    الموقع : http://kemo0o0o.a7larab.net
    العمل/الترفيه العمل/الترفيه : مهندس كمبيوتر
    مـــزآجــك إلـــيــــوم: : كرة القدم

    default كل مرة هنختار عضو وهنسئله اسئله

    مُساهمة من طرف miii_do_kemo في الخميس 08 أبريل 2010, 11:47 am

    بسم الله الرحمن الرحيم

    انا انهاردة جيبالكم فكرة جميلة وجديدة شوية يعني

    واكيد كلنا نعرفها كويس

    والفكرة هي


    كرسي الاعتراف


    واللي هو ............. ماتيجي نشوف الكرسي شكله ازاى





    هو دا الكرسي بتاعنا

    يعني كل يوم هنختار عضو جديد وهنسالة اسئلة

    و لازم يجاوب علي الاسئلة بصراحة

    وبعدين يبقي يرد علي اسئلة الاعضاء وبرضو بصراحة

    وخلي بالكم

    الانكار مش هيفيدكم

    يعني الصراحة ثم الصراحة

    ودلوقتي هنبدا بالحلقة الاولي


    اهلاين بالحبايب الحلوين والمنورين علطول ...................


    سعدنى ويشرفنى ان يكون معانا النهاردة انجل ايز ؟؟؟؟


    السوال الاول

    اعرض البطاقة الشخصية كاملة ؟؟


    السوال التانى

    ماهى محتويات المحفظة الشخصية ؟؟...اكيد مفلس ههههههه


    السوال التالت

    لو انت بنت ليوم واحد هتعمل اية ؟؟


    السوال الرابع

    ما هى مواصفات فتاة احلامك ؟؟



    السوال الخامس

    ما هى اكلتك المفضلة ؟؟



    السوال السادس

    ما هو لونك المفضل ؟؟



    السوال السابع

    ما اكتر اسم بنت مفضل بالنسبة لديك ؟؟



    السوال الثامن

    ما اكتر اسم ولد مفضل بالنسبة لديك ؟؟



    السوال التاسع

    هل تحب ان تتزوج من فتاة اجنيبة ؟؟والسبب ؟



    السوال العاشر

    هل اتحرجت قبل كدة ؟؟



    السوال الحادى العشر

    هل جرحت قبل كدة ؟؟



    السوال الثانى عشر

    ما نجمك المفضل ؟ والنجمة المفضلة ؟



    السوال الثالث عشر

    ما المطرب المفضل ؟والمطربة المفضلة ؟



    السوال الرابع عشر

    لو خيروك ان تختار اعز اربع اشخاص من المنتدى 2 بنات و2 شباب تختار مين !!!!!!!!!



    السوال الخامس عشر

    ما رايك فى بنات العصر الحالى ؟؟



    السوال السادس عشر

    وجيهلى سوال وانا لازم ارد علية مهما تكون الاجابة ؟؟؟
    avatar
    نور القمر

    الجنس : انثى عدد المساهمات : 205
    تاريخ التسجيل : 22/03/2010
    العمل/الترفيه العمل/الترفيه : طالبة

    default بسبس

    مُساهمة من طرف نور القمر في الخميس 08 أبريل 2010, 1:41 pm

    موضوع هايل يا كيمو ومستنيين ردود انجل ايز وشكرا على مواضيعك الجامدة مرسيه I love you
    avatar
    malak elroh

    الجنس : انثى عدد المساهمات : 123
    تاريخ التسجيل : 21/02/2010
    العمل/الترفيه العمل/الترفيه : الكليه هنعمل ايه غيرها........
    مـــزآجــك إلـــيــــوم: : لسه محتاجه لشىء مفتقداه .........

    default رد: كل مرة هنختار عضو وهنسئله اسئله

    مُساهمة من طرف malak elroh في الخميس 08 أبريل 2010, 6:09 pm

    موضوع لذيذ فعلا بس مظنش كل الاعضاء هردوا ع كل الاسئله وانجل لحد دلوقتى مردتش ع ولا سؤال يلا يا انجل مستنين ردودك او ضحيه اخرى
    avatar
    miii_do_kemo
    Admin

    الجنس : ذكر عدد المساهمات : 1227
    تاريخ التسجيل : 21/02/2010
    الموقع : http://kemo0o0o.a7larab.net
    العمل/الترفيه العمل/الترفيه : مهندس كمبيوتر
    مـــزآجــك إلـــيــــوم: : كرة القدم

    default رد: كل مرة هنختار عضو وهنسئله اسئله

    مُساهمة من طرف miii_do_kemo في الجمعة 09 أبريل 2010, 10:44 am

    انجل ايز انتى فين مستنين ردودك الاعضاء مستنين ردودك وكل الاعضاء هترد بس فيه ضحايا تانية بس بعد رد انجل ايز
    مستنى ردودك ودمتى بود
    وبشكر نور القمر وmalak elroh على مرورهم ومشاركتهم معانا ودمتم بخير وبود

    ضحى

    عدد المساهمات : 34
    تاريخ التسجيل : 09/04/2010

    default رد: كل مرة هنختار عضو وهنسئله اسئله

    مُساهمة من طرف ضحى في السبت 10 أبريل 2010, 10:25 am

    جميل اوى الموضوع دة ياااااااة اول مرة اشوف الحجات الجامدة ديت بجد روووووووعة المنتدى جامد وبشكر اللى عامل الموضوع الجامد دة وانجل ايز مستنين ردودها يلا يا انجل منتظرين ردك
    avatar
    angleeyes

    الجنس : انثى عدد المساهمات : 132
    تاريخ التسجيل : 13/03/2010
    العمل/الترفيه العمل/الترفيه : طالبة فى كلية حقوق
    مـــزآجــك إلـــيــــوم: : بتحب الضحك

    default رد:كرسى الاعتراااااااااف

    مُساهمة من طرف angleeyes في الإثنين 12 أبريل 2010, 12:20 am

    الاسم:أنجل ايز
    مركز زفتى_الغربية
    تاريخ الميلاد:11|7|
    1990
    2_محتويات محفظتى الشخصية أكيد فيها فلوس واللة مش مفلسة والبطاقة الشخصية والكرنية بتاع الكلية ومرأية وشوية صور للعائلة وأصحابى ومصحف صغييير
    3_على فكرة أنا بنت وأكيد مش هعمل حاجة وممكن أقارن نفسى بشخصيتى يعنى والشخصية الجديدة دى
    4_مواصفات فتى الاحلام أكيد مش هقول راكب حصان أبيض ههههههههههة هى مواصفات عادية أهم حاجة انة يكون عارف ربنا علشان يتقى ر بنا فية ويحافظ علية وبيصلى ومش بيشرب سجائر علشان مش بطيق ريحتها ويكون اجتماعى وشخصية ظريفة ويكون وسيم ومتقولوش الحلاوة حلاوة الروح لالالا لازم يكون وسيم مش كتير صح اعتقد انى مش طماعة
    5_واللة أنا بحب أكلات كتيرة يعنى ممكن الحمام المحشى والمحشى وخصوصا الباذنجان وورق العنب هههههههههة طفسة صح
    6_أكيد الاحمر علشان كدة كتبت بية
    7_أكتر اسم بنت بحبة جودى وجنى
    8_اكتر اسم ولد بحبة آدم وياسين
    9_لالالاطبعا لانى بشجع المنتج المحلى ههههههههههة
    10_ياااااة كتير جدا وأخر موقف حصلى من قريب كنت رايحة الكلية وجيت اركب العربية انتو عارفين زحمة المواصلات بقة راح السواق ماشى وانا رجل فى العربية ورجلى التانية برة ففضلت انى اركب علشان مش هلاقى الفرصة دى تانى روحت واقعة فى العربية أصحابى ماتو من الضحك علية
    11_هو أنا مجرحتش حد الصراحة بس انجرحت كتير مش لازم أقول من مين
    12_فى السنيما المصرية هانى سلامة وكريم عبد العزيز واحمد عز والسينما الاجنبية براد بيت وتوم كروز وفاندام
    النجمات غادة عادل ومنة شلبى منة فضالى والاجنبية انجيلينا جولى
    13-مطربى المفضل الكينج عمرو دياب وكاظم الساهر ووائل كافورى
    مطربات انغام وشيرين واليسا
    14_بص هو انا معرفش حد غير مدير المنتدى بس بجد بعز الاعضاء المشتركين كلهم واختار كيمو وضحى ونور القمر وملاك الروح بس انا معرفهمش بس حبيتهم
    15_واللة معظمهم كويس والبعض الاخر ربنا يهديهم
    16_وأخيرا احب أشكر كيمو على الاسئلة الجامدة دى ومنتظرة ضحية أخرى وأنا افضل ان تكون (ملاك الروح)
    وسؤالى لكيمو من أنت؟
    سؤال عام اكتب كل حاجة عاوز تكتبها عن نفسك اوك
    avatar
    miii_do_kemo
    Admin

    الجنس : ذكر عدد المساهمات : 1227
    تاريخ التسجيل : 21/02/2010
    الموقع : http://kemo0o0o.a7larab.net
    العمل/الترفيه العمل/الترفيه : مهندس كمبيوتر
    مـــزآجــك إلـــيــــوم: : كرة القدم

    default رد: كل مرة هنختار عضو وهنسئله اسئله

    مُساهمة من طرف miii_do_kemo في الإثنين 12 أبريل 2010, 3:32 pm

    اولا اشكرك على اجاباتك جميلة جدا جدا جدا بصراحة
    بس بؤلك ايه انا هشوف راى الاعضاء كلهم ونشوف مين اختار مين اكتر ودا هيعرفنا الضحية التانية اوك
    واحب اعرفك بنفسى
    انا اسمى محمد كمال الغمراوى
    الشهرة :كـــــــيـــــــــمـــــــــو
    البلد المنصورة من قرية ميت ابو الحارث مركز اجا
    فكرتى تشغيل دماغ من غير تفكير
    المفضل ليا لعبة كرة القدم بحبها اوى واصحابى بيزعلو لما مبجيش العب كرة قدم معاهم
    المشروب السخن ليا كباية شاى الصبح وكباية اخر النهار
    المشروب الساقع : بحب الكوكتيل اوى فراولة على موز دا جعت وانا بقول ههههههههه
    المشروبات الغازيه احب سبرايت او سفن اب ولا ام بقى ههههه بديل ليها
    والنادى المشجع ليا :افضل النادى الاهلى
    الاكلات احنا عندنا بط مربينه وكنت على طول باكل بط هههههههه كل شوية اقول لماما عاوز اكل فراخ بقى ههههههههه لقيتها فجاة النهاردة بتؤلى هنبح الديك بتاعنا اتفجئت انى عندى محاضرات هههههههه وقالت مين هيمسكه معاها ههههههه قامت قيلالى هشترى فرخة وخلاص راحت اليوم بتؤلى انا رايحة اشترى فرخة وكنت سعتها كنت ماشى وقالتلى لو اتئخرت اقفل ولقيتها نزلت المدينة وجبتلى 10 فرخات هههههههههههههههههههه وجيبت هناك سوق وكدة يعنى اسمه سوق الاثنين هههههههههه
    المطرب المفضل ليا الهضبة سوبر استار عمرو ديب ......ونجم الجيل تامر حسنى وبعض اغانى من المطربين البقيين
    اما المطربات احب اليسا وشيرين وجنات وبعض اغانى يعنى كدة
    استئذنكم اصل رايح اصلى العصر ولو فى حاجة مؤلتهاش ؤلولى وانى اجوبها سلام
    شكرا يا انجل ايز على السؤال دة
    وانتظرونى فى الضحية الجاية والى اللقاء فى كرسى اعتراف رقم 2
    كيمو
    avatar
    malak elroh

    الجنس : انثى عدد المساهمات : 123
    تاريخ التسجيل : 21/02/2010
    العمل/الترفيه العمل/الترفيه : الكليه هنعمل ايه غيرها........
    مـــزآجــك إلـــيــــوم: : لسه محتاجه لشىء مفتقداه .........

    default رد: كل مرة هنختار عضو وهنسئله اسئله

    مُساهمة من طرف malak elroh في الإثنين 19 يوليو 2010, 4:34 am

    يااااااااااااه هتقولواا رد متاخر اوى ههههههه سورى مكنتش بفتح نفس مشاغل انجل ههههه ع العموم الموضوع شيق وانا حبيته والضحايا كتير وانجل اختارتنى ضحيه يظهر عندها فضول تعرفنى ههههههه انا كان عندى اكتر منك فضول بس مريحتنيش هههههه فين الضحيه الجديده ؟
    avatar
    prince

    الجنس : ذكر الابراج : الثور الأبراج الصينية : النمر
    عدد المساهمات : 493
    تاريخ الميلاد : 20/05/1986
    تاريخ التسجيل : 20/05/2010
    العمر : 31
    العمل/الترفيه العمل/الترفيه : معهد كمبيوتر
    مـــزآجــك إلـــيــــوم: : بحب الاهلى

    default رد: كل مرة هنختار عضو وهنسئله اسئله

    مُساهمة من طرف prince في الإثنين 19 يوليو 2010, 5:25 am

    موضوع جميل جدا كيمو بس يارب مكونش انا الضحية الجاية هههههههههههههه شكرا ليك كيمو

      الوقت/التاريخ الآن هو الإثنين 18 ديسمبر 2017, 8:15 pm