منتديات كيمو

اضغط على الرابط التالى للتسجيل
منتديات كيمو

منورينى يا أحلى اعضاء والله وكل عام وانتم دائما بخير

ملحوظة هامه :بعد تسجيلك فى منتدى (kemo0o0o0o) ولم تفعل اشتراكك عن طريق ايميلك الذى سجلت به .. فسوف نفعل اشتراكك تلقائياً فى خلال 24 ساعه من تسجيلك


    مش هبقى ملاك

    شاطر
    avatar
    نور القمر

    الجنس : انثى عدد المساهمات : 205
    تاريخ التسجيل : 22/03/2010
    العمل/الترفيه العمل/الترفيه : طالبة

    default مش هبقى ملاك

    مُساهمة من طرف نور القمر في الخميس 08 يوليو 2010, 11:38 pm

    انا بقالي كتير اوي يا جماعه

    مكتبتش موضوع هنا

    بس حبيت

    ارجع بحاجه توصف حالتي دلوقتي

    شوفوا التوبيك دى وقولوا ايه رأيكم فيه







    رساله لانسان كان غالي عليا او نقول احسن رساله لمن دمر حياتي
    انا هنساك واشيل ذكراك من قلبي
    واعيش حياتي مش هوقف عمري عليك
    انت انسان محبتش نفسك هتحبني ازاي
    انا مش زعلانه الا على عمري اللي راح
    على انسان زيك
    طول عمري كنت بخاف اني اجرحك مشاعرك
    كنت بخاف اني اقول كلمه تزعلك
    كنت بخاف عليك من نسمة الهواء اللي تعدي
    كنت بالنسبه ليا كل حاجه في حياتي
    كنت بعتبرك ملاك في حياتي
    لكن خلاص زمانا مفهوش ملايكه
    كل اللي هنا ناس وعمرهم ما هيوصلوا
    لمرتبه الملايكه
    الكل بيحب نفسه
    الكل عمره ما هيخاف على مشاعر انسانه
    الكل بيقول يلا نفسي
    وانا هعمل زيكم








    هقول يلا نفسي وانساك
    المشكله اني بشوف الناس بعين طفله
    مش عارفه ان زي ما في فالدنيا دي
    ملايكه وناس بتخاف على شعور بعض
    بتحب بعض
    بتخاف على بعض
    في ناس انانين وغادرين
    بيحبوا نفسهم اكتر
    بيخافوا على نفسهم اكتر
    عمرهم ما بيخافوا على شعور حد
    الكل بيقول يلا نفسي
    والله لا اشيلك من قلبي
    هقتل قلبي بأيدي
    هغدر بالناس زي ما غدرت بيا
    هعيش ولو لمره لنفسي
    هخاف على نفسي اكتر من اي حد تاني
    مش هبقى ملاك من هنا ورايح








    هعمل زيك ولو مره
    انا عمري ما شكيت في اخلاصك ليا
    كنت فكراك زي
    بتخاف عليا
    بتحميني
    لكن كنت غلطانه
    اللي زيك عمرهم ما يعيشوا معايا
    كنت فكراك حب حقيقي
    وخبط على بابي
    الحب اللي طول عمري بدور عليه
    من هنا ورايح
    انسى الانسانه اللي شفتها عينك قبل كده
    لانك هتشوف واحده تانيه
    واحده تبيع ومتشتريش
    واحده تجرح ومتعتزرش
    واحده تبيع كل اللي قدامها
    واحده تخون زيك








    واحده تجرح وتسيب
    هبقى زيك
    مش هبقى ملاك
    عمري ما هعيش زي ما كنت بعيش في الاول
    انا كنت فعلا طفله
    محتاجه لحب يحميها
    محتاجه لانسان تعيش معاه دنيتها
    محتاجه قلب يشتري وميبعش
    محتاجه انسان يكون كل حياتها
    محتاجه حد يخاف عليها يحميها
    انسى الحب يا قلبي
    الحب عمرك ما هتلاقيه هنا
    الحب ممكن تلاقيه في الروايات القصص
    هنا مفيش
    زي ما قولنا دى زمن الغدر
    الغدر يا قلبي الغدر
    وليه بعد كل اللي حصل بتقول حب خانك
    لا يا قلبي كان بأمكانك









    تنساه من البدايه
    الكل حذرني منه يا قلبي
    بس انت اخترته من بين الناس
    كان قدامنا ناس تحب بجد
    ليه هو يا قلبي
    ليه بعت نفسك لناس عمرها ما تقدر
    حبيته يا قلبي وهو باعك
    عشقته يا قلبي وهو خانك
    جريت وراه يا قلبي وهو اختار نفسه
    عمره ما كان حبيب
    عمره ما كان يقدر يعيش
    عمره ما كان يقدر يحب ويتحمل مسؤليتك
    وفي النهايه بتحن لانسان باعك
    بتحاف لسه عليه ليه
    سيبك من اللي سابك يا قلبي
    وعيش حياتك
    الدنيا مش هتقف عليه










    يا قلبي انساه بقى
    عشان تكمل حياتك
    دور على حب يقدرك
    ويخاف عليك
    اما دى
    فمنه لله
    هو يقدر يخدلي حقي
    من اللي اشتريته وهو باعني
    من اللي خفت عليه وهو سابني
    من اللي عشقته وجرحني
    من اللي جريت وراه وهو خاني
    خان ثقتي فيه
    كفايانا جراح يا قلبي
    وعيش للي عايزك
    في ناس شرياك
    متفكرش فيه يا قلبي
    وخليه بجراحه
    اللي جرحالي









    خلاص يا عين كفياكي دموع
    خلاص يا قلب كفاياك شوق
    خلاص يا حبيب ابعد بعيد
    سبني بجراحي اللي فيا
    سبني بدموعي اللي ليا
    سبني وعيش حياتك
    سبني وشوف مماتك
    سبني في حالي
    كفايا اللي فيا
    جرحتني ومش هجرحك ولا هعتبك
    منك لله
    هو يقدر ياخد حقي منك
    هو يقدر يقتلك زي ما قتلني بدموعي
    منك لله
    خلاص يا قلب
    منه لله
    خلاص يا دموع
    منه لله








    خلاص يا قلبي اوعدك مش هجرحك تاني
    خلاص يا دموعي اوعدك اني مش هنزلك تاني
    خلاص يا عيني اوعدك مش هتشوفي خيانه تاني
    انا مش هبقى ملاك
    عشان متجرحش
    عشان متعبش
    عشان دموعي متنزلش
    خلاص مش هبقى ملاك
    وحيات جرحك ليا مش هبقى ملاك
    وحيات دموع عنيا مش هبقى ملاك
    وحيات اللي كان ليا مش هبقى ملاك
    وحيات ثقتي العميا اللي كنت بثقها فيك مش هبقى ملاك
    مش هبقى ملاك والله ما هبقى ملاك
    ليك يوم
    تتجرح زي ما انا اتجرحت
    هتحس بجرحي
    هتحس ان كان في ايدك ملاك واتغير بسببك
    هتحس بنفس الاحساس اللي انا حساه دلوقتي









    ليك يوم تعيش نفس اللي انا عايشاه دلوقتي
    وحيات جرحي لخليك تتمنى انك ترجعلي ومش هتلاقيني
    وحيات دموع عيني لخليك تدوق نفس الاحساس دى
    وحيات قلبي اللي مات بسببك لموت قلبك برضه
    بس هيبقى في فرق
    انت جرحتني بأيديك
    وهنت عليك
    انا بقى
    هجرحك
    بس مش بأيدي
    ربنا هياخد حقي منك مرتين
    هتبقى انسان متحطم
    تتمنى ترجعني ملاك تاني واعيش معاك
    لكن دى هيكون ابعد من خيالك
    هكون بالنسه ليك
    نجم صعب الوصول ليه









    هخليك تدوق طعم الجرح زي ما انا دقته
    منك لله
    خلتني اكره كل حاجه في حياتي
    اسمي عايشه لكن انا في الحقيقه بموت كل يوم
    منك لله على كل كدبه عيشتهالي
    منك لله على كل جرح جرحتهولي
    منك لله على كل دمعه نزلت عشانك
    منك لله
    خلتني ماشيه مش شايفه قدامي
    والله لا اجرحك مره من نفسي
    هنسى الملاك بتاع زمان
    لاني هبقى زيك
    خلاص مش هبقى ملاك
    عيش حياتك كويس
    لانك قريب هتتجرح وتتمنى الموت
    بس هتتجرح من اللي اقوى منك
    منك لله
    والله ما هبقى ملاك




    بقلمــــــي

    حبيت اعبر عن حالتي

    سايبلكم الرد

    وبليزز بدون مجامله









    التوقيع






    mokta2eba
    avatar
    prince

    الجنس : ذكر الابراج : الثور الأبراج الصينية : النمر
    عدد المساهمات : 493
    تاريخ الميلاد : 20/05/1986
    تاريخ التسجيل : 20/05/2010
    العمر : 32
    العمل/الترفيه العمل/الترفيه : معهد كمبيوتر
    مـــزآجــك إلـــيــــوم: : بحب الاهلى

    default رد: مش هبقى ملاك

    مُساهمة من طرف prince في الجمعة 09 يوليو 2010, 5:24 am

    طول عمري كنت بخاف اني اجرحك
    مشاعرك

    كنت بخاف اني اقول كلمه تزعلك
    كنت بخاف عليك من نسمة الهواء
    اللي تعدي

    كنت بالنسبه ليا كل حاجه في حياتي
    كنت بعتبرك ملاك في
    حياتي

    لكن خلاص زمانا مفهوش ملايكه
    كل اللي هنا ناس وعمرهم ما
    هيوصلوا

    لمرتبه الملايكه

    من غير مجاملة موضوع جميل جدا ده انتى ابدعتى شكرا ليكى ومنتظر منك الجديد تقبلى مرورى



    avatar
    نور القمر

    الجنس : انثى عدد المساهمات : 205
    تاريخ التسجيل : 22/03/2010
    العمل/الترفيه العمل/الترفيه : طالبة

    default رد: مش هبقى ملاك

    مُساهمة من طرف نور القمر في الجمعة 09 يوليو 2010, 5:34 pm

    مرسيه على مرورك يا برنس اتمنى ان موضوعى يكون عجبك وعجب المنتدى كله ومرسيه على مرورك
    avatar
    miii_do_kemo
    Admin

    الجنس : ذكر عدد المساهمات : 1227
    تاريخ التسجيل : 21/02/2010
    الموقع : http://kemo0o0o.a7larab.net
    العمل/الترفيه العمل/الترفيه : مهندس كمبيوتر
    مـــزآجــك إلـــيــــوم: : كرة القدم

    default رد: مش هبقى ملاك

    مُساهمة من طرف miii_do_kemo في السبت 10 يوليو 2010, 8:11 am

    الموضوع يعنىىىىىىىىىى مش حقيقى اولا بدون مجاملة الكلام اللى قالته نور كلام مبيعبرش عن حالتها بيعبر عن حالة اللى بتحبه انا اسف شايف انا معملش حاجة عشان تؤلى كدة وعلى فكرة يا جماعة هو اللى بنكلم عنه هو واحد انا اعرفه كويس ....نكمل هو معملش حاجة ومجرحش حد خالص انتى اللى موتيه وانتى سبتيه لانه كان كل يوم يتصل بيكى وانتى مبترديش خالص وسيباة زى عاوز يشحت كل يوم يتصل بيها تكنسل عليه ومتردش ولو فتحت تفتح وتكلمه ولكنها تعرفه ويؤلها مبترديش ليه تؤله التلفون مكنش معايا حتى الرصيد معاها ومش عاوزه تصبره باى رنه حتى مفيش خالص شوفوا بقى صدقينى لو انتى فضلتى على الحال دة والله والله والله وبحلفله عشان انا اعرف ربنا كويس ان اللى انتى بتعمليه دة وشيفة كدة الصح يبقى والله انتى غلطانة 100% لانه مشفش منك حاجة عشان تعملى كدة انتى معبرتهوش دة حتى بركلك لما نتيجتك بانت وكل يوم بقة يكلمك طيب عاوز اعرف انتى بتعملى كل دة ليه عاوزة تسبيه شفتى واحد تانى لانه قالى انه تعبان خالص والله واطمن عليكى وقالك الف سلامة لما انتى كنتى تعبانة زورك كان تعبك بس شوفى والله كمان مرة هتتعبى كتير صدقينى متعمليش فى نفسك كدة لو مش عوزاة ؤليله مش عوزاك كدة لكن هتعملى كل الحوار دة من غير اى حاجة من غير اصلا ما يحصل حاجة خالص يبقى انتى اللى ظلمتيه وجرحتيه ومش عوزاة وعاوزة تنسيه بس هو معملش حاجة هو كان نفسه تبقى احسن واحدة فى الدنيا نفسه يسعدك نفسه يخليك احسن بنت لكن انتى مرمتيه يعنى خلتيه لتحت بدل ما تؤليله كلام كويس تتعبيه وتموتيه انتى فكرة لما كنتى رايحة الفرحة وقالك روحى وانتى فهمتى غلط وقلتى انه قالك متكلمنيش تانى وهو ورهالك بنفسه وقالك اقرئى وشوفى فى الاخر طلعتى انتى اللى غلطانه وقلتيله معلش وهو اتقبل وقالك مفيش حخاجة بكل بساطة لانك اصلا لازم تفهمى الكلام للاخر وتتذكرى الكلام صح لاكن اللى هيوديكى فى دهية انا اسف بس دة اى انسان بيؤله عادى انك بتفهمى الانسان غلط وصدقينى الانسان اللى كنتى بتحبيه وعاوزة تسبيه معملش فيكى حاجة ولو نفذتى كلامك تانى كدة عمرة ما هيسمحك للابد وهتموتى فيه كل حاجة الاول هيكون ضاع وتعب ومات بدل المرة الف مرة ومعتش هيعرف يذاكر ولا هيجيب مجموع عالى زى كل مرة لكن للاسف لو انتى شيفه كدة يبقى انتى اللى ظلماة والله لو فضلتى على كدة هتتعبى كتيررررررررررر اوى وانا كبير وعارف كل حاجة معناه انك قريتى كلمتين او قريتى قصة بتعبر عن اتنين بيحبو بعضو وفى الاخر البنت عاوزة تسيبه لدى تصرفاته وحبيتى تعملى كدة على اللى بتحبيه دى حاجة واكبر غلط بس انتى قريتى اللى ؤلتهولك حولى ترجعى نفسك وتقرئى بكل دقة كل حرف او كلمه كتبتها حولى تفهميها شوفى حرف او كلمة افهميها صح والله والله والله انتى اللى هتكسبى وهو دا اللى هيحميكى لكن شوفى انتى ماشية مع مين وعملتى كدة هو دة اللى هيوديكى فى نصيبة للاسف كان لازم اؤل كل دة عشان الكلام اللى اتقال اسمع انه محصلش اسف كمان مرة

    محــــــــــــــــــتـــــــــــاج الرد
    avatar
    malak elroh

    الجنس : انثى عدد المساهمات : 123
    تاريخ التسجيل : 21/02/2010
    العمل/الترفيه العمل/الترفيه : الكليه هنعمل ايه غيرها........
    مـــزآجــك إلـــيــــوم: : لسه محتاجه لشىء مفتقداه .........

    default رد: مش هبقى ملاك

    مُساهمة من طرف malak elroh في الأربعاء 14 يوليو 2010, 2:43 am

    نور موضوعك جامد اوى وانتى مجروحه اوى يارب محد ينجرح ولا يتعب ابدا بس يا نور مش لازم علشان اتجرحتى تتحولى من الملاك لشيطان مثلا سورى بس اكيد ف ناس زى الملايكه واكيد ايمانك بربنا اقوى ولاسف انا اسمى ملاك الروح مش معنى كده انى ملاك بس بحاول تصدقى نفسى اتكلم معاكى ؟
    avatar
    نور القمر

    الجنس : انثى عدد المساهمات : 205
    تاريخ التسجيل : 22/03/2010
    العمل/الترفيه العمل/الترفيه : طالبة

    default رد: مش هبقى ملاك

    مُساهمة من طرف نور القمر في الأربعاء 14 يوليو 2010, 10:18 pm

    مرسيه على مرورك حبيبت قلبى وانا كمان نفسى اكلمك اؤلى الطريقة وانا تحت امرك باى
    avatar
    malak elroh

    الجنس : انثى عدد المساهمات : 123
    تاريخ التسجيل : 21/02/2010
    العمل/الترفيه العمل/الترفيه : الكليه هنعمل ايه غيرها........
    مـــزآجــك إلـــيــــوم: : لسه محتاجه لشىء مفتقداه .........

    default رد: مش هبقى ملاك

    مُساهمة من طرف malak elroh في الخميس 15 يوليو 2010, 2:37 am

    نور بعتلك رساله خاصه عالمنتدى اتمنى توصلك اوك ومستنياكى بااى

      الوقت/التاريخ الآن هو الثلاثاء 19 يونيو 2018, 4:50 am